Odiseada e Hashim Thaçit që u zhvillua gjatë ditëve të fundit ka qenë e rëndë për shumë gazetarë. Më së shumti për Arsim Lanin. Mbrëmë gazetari doli përmbi emocionet dhe e çoi gazetarinë kosovare në nivel tjetër gjatë intervistës që i bëri një bashkëpunëtorit të ish-presidentit Thaçi. Çfarë zhbirimi. Çfarë pyetjesh. Çfarë bukurie e rrallë që neve në Tjetër na bën xhelozë. Sidoqoftë, Çezarit duhet t’i ipet ajo që i përket Çezarit.
Koment i shkurtër për ata që e lexojnë këtë shkrim pas disa vitesh: Ish-presidenti Hashim Thaçi ishte në Kosovë pas vdekjes së babait për t’ia vizituar varrin. Ai u çmall edhe me familje të ngushtë. Mysafir në këtë emision që quhej Frontal (ku gazetari frontalisht konfronte pushtetet) ishte bashkëpunëtori i tij, Ismail ose Ismajl Syla. Përgjigjet e tij ishin interesante, por ky shkrim është i dedikuar vetëm për pyetjet.
Lexim të këndshëm!
Gazetar Lani: “Në Brojë nuk patët mundësi të shkonit gjatë kohës…”
Gazetar Lani: “… për njerëzit që nuk e kanë pasë rastin ta takojnë zotin Haxhi Thaçi – çfarë burri ka qenë?”
Gazetar Lani: ”Keni treguar në këtë tekstin që keni shkruar për zotin Haxhi Thaçi, keni shkruar “baca Haxhi, sa herë që merr frymë dije që aq më afër është ardhja e djalit tënd Hashimit. Viti 2025 është vit i Hashim Thaçit. Këto fjalë ia përsërita disa herë që t’ia ngulitja në mendje, t’i bëheshin forcë organizmit të tij tashmë goxha shumë të lodhur…”
Gazetar Lani: “A shpresonte që do ta takonte – a e dinte që kish mundësi ta takonte – ndonëse gjendja e tij tashmë po dihet çfare paska pas qenë?”
Gazetar Lani: “E thatë që shkuarja e Thaçit në Hagë e ka rëndu gjendjen e bacës Haxhi po, po du me ju pytë – meqenëse e njihni shumë mirë edhe Hashim Thaçin; keni punuar bashkë me të – ëë, sa ka mundur ta rëndojë Hashim Thaçin pra, rasti i babait të tij, vdekja… Si ka mujtë me përballu Hashim Thaçi vdekjen e babait?”
Gazetar Lani: “po, po, po, po…”
Gazetar Lani: “Është një fotografi pra që është bërë sot – vizitës që i ka bërë varrit të babait të tij zoti Hashim Thaçi… Kur e sheh këtë fotografi si bashkëpunëtor i ngushtë i Hashim Thaçit… Çka, çka tregon kjo fotografi?”
Gazetar Lani: “A është i fortë Hashim Thaçi?”
Gazetar Lani: “E kishe ba… te teksti që ke shkru e kishe ba një krahasim në ditën kur ka qenë me vizitu babën e tij sa ka qenë gjallë osht vërejt pak ma i lodhur sesa, sesa sot. Përshemull.”
Gazetar Lani: “…ëhë, ëhë, ëhë…”
Gazetar Lani: “Sigurisht, ëëë, edhe për ju edhe për të gjithë ata që e duan Hashim Thaçin osht e dhimbshme kur e sheh në këto rrethana, në k’to vizita, në këtë kujdes, në këtë siguri maksimale. Në këtë trajtim që i bahet ish-presidentit. N’këtë rast ish, ish jo se ju ende jeni bashkëpunëtor i tij.”
Gazetar Lani: “Do t’flasim sigurisht për procesin gjyqësor në ni moment tjetër se po m’intereson – këtu, nuk di a po e sheh fotografinë – osht simboli i Thaçit, përshëndetja e… përshëndetja e…”
Gazetar Lani: “E vërtetë, e vërtetë, e vërtetë, e vërtetë…”
Gazetar Lani: “…u vërejt ky liderizmi i Hashim Thaçit edhe gjatë kësaj vizite sot por edhe gjatë vizitës që e pat me babanë…”
Gazetar Lani: “Ku e gjanë këtë optimizën në rrethanat në të cilat osht Hashim Thaçi?”
Gazetar Lani: “Duke qenë se e njihni Thaçin që nga koha e luftës, ndoshta edhe ma herët, nuk e di…”
Gazetar Lani: “Meqenëse thatë se njiheni nga vitet e 90-a. Pra, po flas për këtë kohën kur ju keni punu bashkë. Kur e ke pa Hashim Thaçin të thyer?”
Gazetar Lani: “Jemi kah fundi por t’ju pyes se është pritur që t’shkojë – ose ndoshta s’është pritur që t’shkojë për ngushëllime kryeministri i Kosovës Albin Kurti. A ish dashur me shku?”