Kryekuvendari Dimal Basha: Që në fillim të viteve ’90 dihej për lidhjet e UÇK-së me trafikantët e drogës

Kryetarit të ri të Kuvendit të Kosovës, Dimal Basha, sapo iu rishfaq një ‘studim’ e çon një hap më tej “lëshimin e nanave në livadh me lujtë”. Duke shkruar për “Studime të Karaibeve” (Études caribéennes) ai përdor disa nga fëlliqjet më të rënda që iu bënë ndër vite UÇK-së të frymëzuara nga propaganda serbe e ruse.

Së pari, këtë studim ia rishfaqi gazetari Besnik Krasniqi i cili kërkoi edhe që të iniciohej shkarkimi i tij.

Ne e shikuam se për çka bënte fjalë ‘studimi’, dhe mbetëm të tronditur.

Ai titullohej “Globalizimi në Ballkanin Perëndimor: Krimi Transnacional, Fondamentalizmi Islam dhe Aleancat e Pabesa”. Mësynte sulmin ndaj globalizimit, që përmes një spektri forcash destabilizuese – krimi, konflikti dhe ideologjitë radikale – e bënte namin.

Pra, Basha po provonte me argumentu qysh hapja e kufijve, tregjet e reja lejonin edhe qarkullimin e gjërave ilegale si armët, droga e kriminelët. E si dëshmitare të këtij argumenti e thirri UÇK-në siç portretohet nga studiues sharlatanë perëndimorë apo edhe Serbia me Rusinë.

Ja, lexojeni një nga fjalitë.

“Që nga fillimi i viteve ’90 shunë e dinin për lidhjet mes UÇK-së dhe trafikuesve të drogës….”

Në fakt, lëre që s’dihej për lidhjet e UÇK-së me trafikuesit e drogës nga fillimi i viteve ’90, por s’dihej as për ekzistencën e UÇK-së meqë ajo u bë publike vetëm më 28 nëntor 1997.

Dhe për më tepër, kush janë këta “shumë”? A është dikush dëshmitar i dorës së parë? Seriozitet se jo mahi.

Nejse, ja ku e keni edhe një tjetër:

“Sipas raporteve hulumtuese, fondet për UÇK-në erdhën nga shqiptarët e rëndomtë në diasporë por edhe nga trafikantët e drogës që operuan anë e mbanë Evropës Perëndimore dhe ShBA-ve. Trafikantët e drogës dërguan edhe burra të armatosur të luftonin përkrah UÇK-së dhe blinin armë në emër të UÇK-së.”

Ja edhe një:

“Mbijetesa e UÇK-së varej nga financimi që ofrohej nga patriotët banditë që operonin përgjatë kufijve.”