Kryeministri Albin Kurti e ka refuzuar ftesën e përfaqësuesit special të BE-së për dialog, Peter Sorensen, për një takim të nivelit të lartë me Serbinë.
“Ju i thoni vetes lehtësues, por në fakt jeni bërë rëndues të dialogut. E rëndoni buxhetin e popullit të Kosovës, e e rëndoni edhe buxhetin e popullit të Serbisë duke i mbajtë takimet e dialogut mes nesh në Bruksel,” – i tha Kurti Sorensenit, e i cili po e shihte i hutuar.
“Ju a jeni rëndues a lehtësues?!” – e pyeti kryeministri tri-katër herë Sorensenin që s’po e dinte se a ishte pyetje retorike apo duhej të përgjigjej.
Pas disa sekondash në heshtje, Kurti i tha:
“Ju bëheni lehtësues kur lehtësoni. Prandaj, na e lehtësoni dialogun dhe hajdeni në zyren time.”
Më pas, kryeministri Kurti i përmendi pasardhësit të Mirosllav Llajçakut edhe kushtet për rikthimin e tij në dialog duke i ofruar edhe një top-listë të kushteve më interesante që kishte pasur ndër vite.
*Kjo është satirë. TJETËR me raste s’ka kapacitet të trajtojë seriozisht tema të ndryshme që kosovare. Në këtë rast satirizuam qëndrimin e kryeministrit Kurti në lidhje me ftesën e Prokurorisë Speciale për të dëshmuar për rastin e Rezervës Shtetërore.