Lidhja e Historianëve në Deçan i jep çmimin NOBEL I PAQES presidentit Trump*

Pasi nuk arriti ta merrte çmimin Nobel për Paqe, presidenti amerikan Donald Trump është vlerësuar me Çmimin e Paqes nga FIFA, shoqata e futbollit ndërkombëtar. Por, ai do ta marrë edhe një çmim tjetër prestigjioz gjatë javës së ardhshme nga një institucion i shquar.

Bëhet fjalë për “Lidhjen e Historianëve “Ali Hadri”, dega në Deçan” e cila pasi mbeti pa kauzën e Manastirit të Deçanit ka vendosur të krijojë një kauzë tjetër: paqen.

“Presidenti Trump i ka ndalur shtatë a tetë luftra. Askush s’e meriton më shumë se ai çmimin e Nobelit të Paqes nga Deçani. Ndoshta vetëm Albin Kurti, por Albin Kurti është i joni dhe këtë çmim duam ta bëjmë çmim ndërkombëtar.”  – tha kryetari ose ish-kryetari i kësaj shoqate, z. Shkodran Imeraj.

I pyetur se pse historianët e Deçanit nuk po çonin pluhur si dikur për tokat që iu dhanë vitin e kaluar përfundimisht Manastirit të Deçanit nga Qeveria Kurti, ai tha se tash duhej të mendonin “vetëm për paqe”.

Kujtojmë se edhe presidentja Osmani e ka vlerësuar presidentin Trump për ndaljen e luftës mes Kosovës dhe Serbisë gjatë këtij viti.

Muajin e kaluar, kjo Lëvizja e kishte bërë edhe një propozim për kryeministër në kuadër të përpjekjeve të saj për të gjetur unitet kombëtar në skenën politike të Kosovës.

Kjo lëvizje nuk duhet ngatërruar me Lëvizjen e Deçanit, e cila pritet po ashtu që t’i ndajë një çmim Trumpit.

*Shiko rubrikën në të cilën ndodhesh.