Aq shumë na shkoi nerva normalizimi i hipokrizisë sa u desh të bënim diçka në këtë drejtim. Videoja bën fjalë për lojtarët shqiptarë që luajnë në Rusi, me fokus sidomos Mirlind Dakun.
VIDEOJA
Çka kishin gjithë ata futbollistë evropianë në dimrin e vitit 2022 që po i braktisnin ekipet ruse që paguheshin me miliona e miliona euro? Kishin ndërgjegje. Ata e dinin se po luanin për ekipet e oligarkëve që e financonin një luftë krejtësisht të padrejtë që vazhdon edhe sot. Atë ndaj Ukrainës. Dhe e braktisën Rusinë.
Për ironi, lojtarët nga një vend që e vuajti shkatërrimin që sjell lufta – si Kosova – pa fijen e marres u nisën andej pari për me shfrytëzu zbrazëtinë e lënë nga lojtarët me ndërgjegje. Mes tyre edhe Mirlind Daku që shet patriotizëm kuq-e-zi në rrjetet sociale.
Po të ndërtohej argumenti se futbolli rus është paksa disident ndaj politikës kriminale të Putinit e se e ka në krye një figurë opozitare kjo do të pinte ujë deridiku. Por, problemi është që futbolli rus është prej metodave kryesore të propagandës së Putinit. Shef i futbollit në Rusi është famëkeqi Aleksandr Dyukovi, drejtori ekzekutiv i Gazpromit. Pra, mu ai që ka lidhje të forta me Serbinë e Vuçiqit. Qe për kë luajnë Daku me shokë.
Nejse, shpresojmë që s’po i lexoni këta rreshta por po e shikoni videon. Çdo të mirë!
Uh, edhe diçka se gati harruam. Ndiqeni këtë intervistë të Dakut për kanalin e Rubin Kazanit. Aty do ta vëreni se megjithëse ai flet për fëmijërinë dhe nisjen e hapave të parë në futboll (e që i bëri në Kosovë) asnjëherë të vetme s’e përmend Kosovën. Hiç asnjëherë. Zero.
TJETËR është një faqe që funksionon në baza vullnetare. Mbështet punën tonë duke pëlqyer faqen tonë në Facebook (KËTU) dhe kanalin tonë në YouTube (KËTU).
