Një ngjarje tjetër e pazakontë shqiptare pritet t’i pushtojë ballinat e mediave ndërkombëtare pas ‘ministres’ Diella të Edi Ramës. Bëhet fjalë për një dorëheqje të dhënë gabimisht nga kryeministri i Holandës pas protestës masive në mbështetje të krerëve të UÇK-së në Hagë.
Kryeministri i Holandës, Dick Schoof, po kalonte rastësisht kah vendi në Hagë ku po mbahej protesta kur pa turmën e madhe me flamuj të UÇK-së.
“Më paska dalë populli kundër, hajmedet,” – raportohet t’i ketë thënë kryeministri këshilltarit të tij duke menduar se protestuesit ishin holandezë, e jo shqiptarë nga Kosova.
Për sherr, në ato momente po mbante fjalim ambasadori holandez Robert Bosch, e i cili e konfuzoi edhe më zi kryeministrin.
Me të arritur në zyre, ai dha dorëheqje nga pozita duke përmendur pakënaqësinë e madhe qytetare ndaj tij.
*Shih rubrikën në të cilën ndodhesh për të kuptuar seriozitetin e këtij artikulli.