Pazari për postet e kryesisë së Kuvendit është i kodifikuar në Kushtetutë

Shkruan: Gazmend Demolli

– A e ke lexu mirë Kushtetutën?

– E kam lexu, qysh s’e kam lexu.

– Qysh thotë?

– Thotë që mbas zgjedhjeve, brenda 30 ditëve, duhet me u konstituu Kuvendi. E me u konstituu, duhet me u zgjedh Kryesia: kryetari dhe nënkryetarët.

– E kush e propozon kryetarin?

– I pari. Ai që ka dalë i pari në zgjedhje.

– Ok, thotë i pari, po e gjej ma t’mirin edhe po e propozoj.

E gjeti. Një deputete që e njeh mirë ligjin, ka përvojë me procedura, e qetë, e artikuluar. Edhe e propozon në Kuvend.

– Hajde tash votojeni.

– Jo, thonë deputetët tjerë. S’na pelqen.
– Pse?
– S’po na pelqen. Shko fol me të tjerët.

Fillon halli. Shkon i pari, diskuton me të dytin.
I dyti i thotë: ‘Jo, unë kurrë s’ta votoj asnjërin.’
I treti: ‘Këtë jo, i ki edhe 47 tjerë, provoji. Nashta ta votoj nashta s’ta votoj’
I katërti: ‘Nëse e ke naj mik t’luftës, gruan e tij mundem me ta votu, tjetër s’ka.’
I pesti: ‘Unë veç vetveten e votoj, përndryshe boj abstenim kolektiv.’
Disa parti të vogla: ‘Hajt, po ju japim 9 vota, por duhet me na dhanë diçka.’

– Çka me bo tash? Vaj halli.

Kthehet te Kushtetuta, e pyet prapë:
– E provova s’po bojke.
– A ka naj zgjidhje tjetër?

– Ok. Japjaju nga një nënkryetar.

– Po nënkryetarët a nuk zgjidhen me shumicë? Qysh me e zgjedh ata njoni me 20 vota e tjetri me 24?

– Po hajde de, hajde. Premtoju. Thuju që nëse ma votoni kryetarin, unë ua votoj nënkryetarët.

– Po s’ma beson kush fjalën.

– Qe, po ta shkruj këtu, në Kushtetutë: “Kryetari i Kuvendit propozohet nga partia e parë, dhe zgjedhja e tij bëhet në mirëbesim me përfaqësim të drejtë në nënkryetarë për partitë kryesore.’

Ja ku e kodifikova pazarin. Zyrtarisht.

– E fute në Kushtetutë?

– Po. Se përndryshe s’ka qysh. Nuk ndahet ndryshe. Nuk ka tjetër çka ndanë.

– I lypin komisionet?

– Edhe ato. Hajde, votoni ju, e për komisionet ulemi e i ndajmë prapë.

– Po më duket që nuk po e din ti, që dikujt ja jep gishtin, t’mer dorën.