Një lajm mbrëmë çoi peshë Facebook-un. Veton Surroi kishte deklaruar në emisionin e tij në Kohavision se demonstratat e vitit 1981 nuk kishin arsye që të organizoheshin.
Natyrisht, kjo përbënte një përlloçje të rëndë të sakrificës e rezistencës ndaj regjimit komunist ish-Jugosllav dhe prandaj shumë njerëz u prekën.
Mirëpo, më pas ndodhi shpëlarja më qesharake e viteve të fundit.
Akti I: Faji
Koha transmeton lajmin se Veton Surroi ka thënë që “demonstratat e vitit 1981 nuk kishin arsye të organizoheshin”. Prandaj edhe e keni parë gjithandej me logon e Kohës. Medium që drejtohet nga motra e saj. Dhe ku bën emision ai vetë.
Por, ata tashmë e kanë fshirë.
Akti II: Shpëlarja
Menjëherë më pas, Surroi e kupton çka ka bërë dhe provon të nxirret. Me anë të një statusi në Facebook, ai thotë se deklaratata i është shpërndarë gabimisht. Nuk tregon kush e shpërndau. Pra, nuk tregon që ishte motra e tij.
Akti III: Lloçi
Koha – mediumi i motrës që ia shpërndau lajmin dhe më pas ia fshiu për ta ruajtur – ia boton edhe reagimin e tij. Sikur ai reagim të bëhej për ndonjë portal tjetër diku, e jo për portalin e tyre.
Për ironi, titulli i Kohës është: “Surroi për keqinterpretimin e deklaratës lidhur me demonstratat e 1981-s” Koha nuk tregon se bëhet fjalë për lajmin që e kanë fshirë.
Ndërkohë, ajo që Surroi e thotë në arsytim është një lojë banale fjalësh dhe asgjë më shumë. Ne do të shpresonim se ai përnjëmend s’do ta thoshte atë që portali Koha tha se e tha. Por, ja që portali Koha tha se e tha.
Nejse, ne iu ftojmë ta lexoni edhe shkrimin e mëposhtëm ku Surroi bashkë me Vllasin e kishin përulur aq keq veprimtarinë e Adem Demaçit sa as tash s’po na besohet se pse mungon reagimi shoqëror.
Surroi e Vllasi u nxehën aq shumë me Jugosllavi sa eskaluan në sharje ndaj Demaçit